عطشان

سيبونى اتوة وحدى
عطشان انا عطشان
الدنيا توب قدى
وماطيقش انا الغطيان
مركب تاخدنى لبلاد بعاد
ولقى يصادفنى من غير ميعاد
زمن ياخدنى لمكان
وعطشان انا عطشان
***
تصدفنى كتير وشوش
قلوب زى البيوت
طريق مابعرفوش
يوماتى عليه بفوت
سنة ورا سنة
اضيع هناك هنا
فى رحلتى انا
الدمعة ليها صوت
***
ليلى مالهش عيون
قمرى مالهش لون
دة انا كان لى فى الهوى
مشوار اخضر حنون
اهدى يادمعتى
ارسى ياخطوتى
انسى يادنيتى
كلة علينا يهون

كلمات الشاعر الرائع عبد الرحيم منصور
الحان محمد الشيخ
من البوم برئ

الناس نامت

من ابدع ما غنى منير
اغنية باختصار تصف حال الناس و الامل المتبقى



الناس نامت الاك واقف ليه فى الشباك بستنى اليوم الجاى
يمكن يسقينا الشاى يمكن يعطينا الناى
انا قد الهوى وقدود لو حتى الهوى نساى
***
واقف بتغنى لمين لحبيبتى وللاطفال
طب بص ورى البتارين شايف مهرة وخيال
يمكن يسقينا الشاى يمكن يعطينا الناى
***
البيت بيضيق ويضيق لكن انا قلبى براح
باصص على مين ياصديق على طفل معاة مفتاح
يمكن يسقينا الشاى يمكن يعطينا الناى
***
هل كونت فى يوم غدار انا نهر النيل لو فاض
طب فين زرع الاشعار انا زارعه احواض احواض
يمكن يسقينا الشاى يمكن يعطينا الناى
***
الاتى نياتى جريح الاتى حصان مطلوق
قلبك تعبان من الريح لكن مستنى شروق
يمكن يسقينا الشاى يمكن يعطينا الناى
انا قد الهوى وقدود لو حتى الهوى نساى



حد يفكرنى بقى الرائعة دى كلمات و الحان مين؟؟

عندما أسمع لازم أخرج من البيان الضيقة

عندما تفقد الأمل و يكون الاكتئاب هو سيد الموقف .. عليك أن تسمع تغوص في أغاني منير .. مغنى الأمل و الأحلام السعيدة
أجمل شئ فيه أغانيه عن الأمل و الحلم

ابحثوا عن الأمل و الحلم ..ابحثوا عن الحياة .. مغني يبحث عن السعادة و يفكر ما هي فائدة الحياة ؟؟ مغنى يغنى للرحمة بين البشر
يبحث عن القيم الاجتماعية النبيلة و يغنى لها

اسمحوا لي أن أقول أن منير أهم مغنى سمعته .. مغنى لا يغنى ألاغاني مستهلكة للعواطف و كلها متشابهة .. منير يبحث عن الناس و يغنى لهم ...
فنان حقيقي له أهداف .. مشروع كامل للمطرب سوف يتذكره التاريخ



اخرج من البيان

اخرج من البيان الحر الضيقة
الكون صابح جميل والدنيا مروقا
بترشرش على الولاد
على الحلم فى الحارات
رشت على الببان
ع الزحمة فى الميدان
رشت على البنات
على الكحل على الحاجات
على الكحك فى الصاجات
وقمصان الشقا
اخرج من الببان
***
خوفك مش قدر
وهروبك مش طريق
قلوعك لو ورق
ما بتنجيش غريق
طير زى النسور
م النخل للكافور
غوص جوه البحور
وهات اللؤلؤة
اخرج من الببان
***
كل شئ بيدبل
لوحده فى الخريف
عيش سنين شبابك
بقلب مش ضعيف
ده الحلم نار ونور
لو ثار الكون يثور
اضحك وارقص ودور
وافرح باللقا

جمهور منير

زى مهو واضح انا هتكلم عن جمهوره اللى من خلالهم هنلاقى منير برضه

منير الحدوتة المصرية اللى لمست فى كل واحد حاجة و دخلت قلبه و اعتبر جمهوره جمهور غير عادى و مستمعيه بيسمعوه غير ما بيسمعو اى مطرب تانى بيسمعوه بقلبهم ودماغهم

كمان بعتبرهم من المثقفين او المهتمين على الاقل بالثقافة والادب نظرا لان منير غنى لشعراء كتير عامية (شعراء بجد مش بتوع اليومين دول لا) شعراء زى صلاح جاهين و فؤاد نجم و فؤاد حداد و عبد الرحيم منصور و غيرهم فجمهور منير واعى بكلماته صاحبة المعانى الكتير و العميقة

و الحانه المتميزة برضه اللى بتعبر عن مصريته والنوبة فالموسيقى اللى بيستخدمها موسيقى بلده مش من برة و ده من الحاجات اللى خلت منير ليه جمهور عريض فى اوروبا

زى ما قلت الجميل فى جمهوره هناك السئ وهو بما انى حضرت العديد من حفلاته التى تتميز بالزحام الشديد مش عارف ايه العلاقة بان يكون حفلة لمنير فجمهوره يجيب الحشيش و خلافه ويشربه فيها فعلا فى كل مرة لازم يحصل كده و مش فاهم ايه العلاقة وليه ؟ دى الحاجة الوحيدة اللى اتمنى تختفى من حفلاته

برضه على الرغم من جمهور منير الكبير ده فى مصر الا انى شايف انه مظلوم لغاية دلوقتى مظلوم اعلاميا و فى نظرى انه مخدش حقه الكافى فى الاعلام بمعرفة اغانيه و تاريخه و ده طبعا لانه مش زى الهلس الموجود

كل شيء ممكـــــن

كل حاجة عايزها أو عايزاها .. ممكـــــن

أسكن بيوت الفرح .. آآآه ممكن

أسكن بيوت الحزن .. لاااا يمكن

ومستحيل يا حزن راح تسكن

قدر الزمان يفهمنى .. آآآه يمكن

شكلني بطعم الأفراح .. لوني بلون التفاح

وبطعم المانجة وكمنجة .. تعزفلي عالجرح ارتاح

يمكـــــــــــن

مشيني على كفوف الراح.. نسيني لو حلم وراح

واشمعنى المعنى بيعرفني .. لو دابت في قلوبنا جراح

يمكـــــــــن

أسكن بيوت الفرح .. آآآه ممكن

أسكن بيوت الحزن .. لاااا يمكن

ومستحيل يا حزن راح تسكن

قدر الزمان يفهمنى .. آآآه يمكن