e hënë, 8 dhjetor 2008

محبة

مفيش كسوف فى المحبة ولا للمحبة شروط عمرك ما تشعر بغربة الا فى حنين مكبوت
و انتي تقوليلي بحبك تحبي ايه فيا و ده حب ايه ده اللى من غير اى حرية


e martë, 14 tetor 2008

بننجرح


بننجرح

كل يوم لكن

بيفرحنا

إن إنت جوة القلب

ساكن..في أفراحنا

وإنت الأمل في العيون

والنشوة ساعة الجنون

وإياك تكون زيهم

وتروح

وتجرحنــــا

ده إنت الوحيد منهم

تقــــــدر

تقــــــدر

تريحـــــــــنــا


Bannoura

e shtunë, 20 shtator 2008

حفلة رمضان 19\9 الاوبرا

حفلة لمنير يعنى اليوم ده عيد مستنيه
اتفقت اروح مع اوسو مدونة عطشان
و بيشوي مدونة the alien

هقول كل اللى غناه منير بس من غير ترتيب غير اول اغنية و اخر اغنية

بدأ بحدوتة مصرية و دى كانت بداية جديدة لمنير لان العادة كانت هيلا هيلا بس غنى حدوتة حلو اوي و باحساس اوي وكانت مفاجأة لينا كلنا و بعدها قال ان دى حدادي على الدويقة
طبعا قال ان اجر الحفلة كله رايح لاهالى الدويقة
بعدين غنى يا عيني على الولد كانت مفاجأة برضه مش متوقعة و كانت جامدة و طبعا اسكتمالا لحداد الدويقة ومنها حسينا ان الحفلة دى هتبقى جامدة اوي و مختلفة
بعدين دخل فى يونس و كانت جامدة كالعادة الاغنية دى مينفعش تطلع غير جامدة
حتى حتى بحب الاغنية دى من زمان خاصة كمان انها كلمات الشاعر الراحل عصام عبد الله و فى ساكس جامد جدا من نور عاشور و كنت مندمج معاها اوي انا و اوسو
ابو الطاقية اغنية اصبحت من الاساسيات فى الحفلة لانها تحفة فى كل حاجة و منير متألق فيها
كان فاضل مخدتش بالى منها عدت كده لظروف فى الحفلة خلتنى منتبهش ليها و يمكن منير معرفش يشدنى ليها
بنات منير قال قبلها شوية كلام كده عجيب المهم من الاخر بيدعو لعدم التحرش و المعاكسة و الاغنية كانت جامدة لانى بحبها
بعدين منير قال ان فى مطربة جت و هى لطيفة و دخلت قالت كلمتين حلوين بعدين قالت هتغنى معاه تحت الياسمينا كنت مندمج فيها اوي لانى بحب الغنوة دى اوى اوى مع ان معظم الجمهور مكنش متفاعل معاها بس انا كنت عايش معاها و كمان لانى بحب لطيفة شوية و بعدين قالوا حتة من اغنيتها المصري و غنتها معاهم برضه
مش محتاج اتوب و مفاجأة جديدة من منير فى الحفلة و الاغنية تنفع لايف جدا و للمرة التانية الساكس يتألق من نور عاشور و منير باداءه
شيكولاتة بعشق مزيكتها الجامدة و كلماتها البسيطة
احمر شفايف بقيت بحب الغنوة دى اكتر و اكتر من اللايف و منير نفسه بقى بيغنيها احلى و كنت عايش معاها اوى
شمندورة حلوة برضه
علمونى عنيكي جامدة جدا لازم و اول ما اتلعبت و اوسو مش عارف قلتلوا لقيتوا بيتنطط هو كان عمال يتنطط طول الحفلة اصلا وانا كمان اتنطط معاها
شبابيك اللى كلنا كنا مستنينها و كانت جامدة و منير احساسه بيبقى عالى فيها اوي و هو بيقولها
غريبة كنت بقول لاوسو قبل الحفلة انا عايزها و لما غناها اتنطط و فرحت و قلت لاوسو اهو قالهالى و تحفة تحفة بجد
قلبي مساكن شعبية كانت هى الختام و كنا زعلانين اوي انه خلص و مشى و حتى مشى فى اخرها من غير ما يقول الفرقة و مكناش عايزين نمشى

عبد الله حلمى و الكولة رائع كالعادة و هيفضل منفرد بيها
مامى جيتار كان جامد
هندسة الصوت كانت مظبوطة جدا الحفلة دى مفيش غلطة تقريبا و صوت منير كان واضح اوي و عالي و ما زال صوته بجد جميل اوي
المسرح كان مختلف المرة دى بشاشة فى الخلفية فيها صورة منير و مكتوب منير قلب مصر
و على الاجناب مكتوب الملك و الالعاب النارية و الدخان كالعادة المسرح كان متألق

الجمهور كان كتير جدا و زحمة لكن مش اوي و مش زى حفلات راس السنة دى اخف شوية و فى براح شوية لكن يبقى ان الحشيش مفيش هروب منه موجود موجود فى اى حفلة و اى وقت رمضان او غيره !!!!!!

e martë, 2 shtator 2008

منير يوم 19 الاوبرا مين قال جاى؟؟

يا ناس يا منايرة يا جامدين
مين قال جاى حفلة منير
يوم 19 سبتمبر بدار الاوبرا المصرية

باذن الله

e mërkurë, 16 korrik 2008

ميوزك اورلد لمنيييييييييييير

الملك محمد منير فاز بجايزة الميوزك اورلد الموسيقية فى الشرق الاوسط كافضل مطرب
و الموقع بتاع الجايزة اهو
http://memawards.com/

و الموضوع ده اعلن فى الحفلة اللى فاتت فى الاوبرا يوم 11
و هيستلمها يوم 19 من نفس الشهر

مبروك لمنير و هو اكبر من كل الجوايز