e hënë, 16 prill 2007

جمهور منير

زى مهو واضح انا هتكلم عن جمهوره اللى من خلالهم هنلاقى منير برضه
منير الحدوتة المصرية اللى لمست فى كل واحد حاجة و دخلت قلبه و اعتبر جمهوره جمهور غير عادى و مستمعيه بيسمعوه غير ما بيسمعو اى مطرب تانى بيسمعوه بقلبهم ودماغهم
كمان بعتبرهم من المثقفين او المهتمين على الاقل بالثقافة والادب نظرا لان منير غنى لشعراء كتير عامية (شعراء بجد مش بتوع اليومين دول لا) شعراء زى صلاح جاهين و فؤاد نجم و فؤاد حداد و عبد الرحيم منصور و غيرهم فجمهور منير واعى بكلماته صاحبة المعانى الكتير و العميقة
و الحانه المتميزة برضه اللى بتعبر عن مصريته والنوبة فالموسيقى اللى بيستخدمها موسيقى بلده مش من برة و ده من الحاجات اللى خلت منير ليه جمهور عريض فى اوروبا
زى ما قلت الجميل فى جمهوره هناك السئ وهو بما انى حضرت العديد من حفلاته التى تتميز بالزحام الشديد مش عارف ايه العلاقة بان يكون حفلة لمنير فجمهوره يجيب الحشيش و خلافه ويشربه فيها فعلا فى كل مرة لازم يحصل كده و مش فاهم ايه العلاقة وليه ؟ دى الحاجة الوحيدة اللى اتمنى تختفى من حفلاته
برضه على الرغم من جمهور منير الكبير ده فى مصر الا انى شايف انه مظلوم لغاية دلوقتى مظلوم اعلاميا و فى نظرى انه مخدش حقه الكافى فى الاعلام بمعرفة اغانيه و تاريخه و ده طبعا لانه مش زى الهلس الموجود

8 komente:

علي الألفي tha...

صباح الفل
انا واحد من المبسوووووووووووطييييييييييييييييييييين جدا بوجود مدونة زى دى
و من حق اي حد انه يعبر عن حبه لاي حد
و هاقوللك كلمة اتقالتلي بداية ما كنت باعمل مدونتى
دى مدونتك
بتاعتك
حط فيها اللى انت عايزه
و مالكش دعوة بحد
ما دمت ما بتحطشش فيها حاجة تغضب ربنا عليك

مش فاهم حاجة tha...

انا فعلا اخدت بالى من الموضوع دة
لان مش هايحس بمنير
عير اللى عندة كمية احساس مش عادية

shams tha...

أهم حاجة منير بيهتم بيها أصلاً جمهوره عشان كده بيبذل المجهود الخرافي في اختيار أغانيه والقصائد والأشعار اللي بيغنيها وكذلك الألحان وده سبب نجاحه انه بيحترم عقلية جمهوره أما بقى الجماعة اللي بيحششوا في حفلاته فأنا بعتقد انهم بيحششوا في جميع الحفلات مش حفلات منير بس وهو فعلاً مش واخد حقه في وسائل الإعتام اللي عندنا بس ده علشان محترم وده سلو بلدنا

بنى أدم مع وقف التنفيذ tha...
Komenti u hoq nga autori.
بنى أدم مع وقف التنفيذ tha...

عيب اوى الناس اللى بتحضر حفلات منير تشرب حشيش
لية يعنى
اللى عايز يشرب حشيش يشربه فى بيته

Anonim tha...

عمرك ماهتتخيل انا مبسوطة ازاى انى لقيت مدونة اخيرا ف حب محمد منير بجد سعادتى ملهاش حدود ربنا يوفقك وتخلى كل الناس تعرف وتفهم مين هوا منير وبجد مجهود حلو اوى ف المدونة كلها
(فنانة مصرية)

محمد ياسر tha...

على الالفى
اانا سعيد برضه بالمدونة دى وبانى دخلت فيها
مش فاهم حاجة
اكيد زيك كده يا جمييل
شمس
عندك حق
بنى ادم مع وقف التنفيذ
مش كده برضه؟
اما الفنانة المصرية بقى انا سعيد ان فى فنانة تحب منير و انا عارف ان كتير من الفنانين بيحبوه
بس مقولتيش انتى مين ليه؟؟؟؟؟؟

عشقك ندي tha...

هو اللي مافيهوش شك ان جمهور منير الحقيقي له طابع خاص ومزاج خاص و اكيد عنده ثقافة ولو فطرية مش بالضروري مثقف من بتوع مقاهي المثقفين بس الملحوظ ان حفلات منير اليومين دول مش زي زمان زمان كان ممكن تحدد جمهور منير لدرجة انك كنت بتشوف نفس الوجوه تقريبا الالف بيتكرروا في كل حفلة انا بتكلم عن جمهور اسكندرية اللي كان له عند منير معزة خاصة وكان بيقول ان اسكندرية النسبة له مدينة الثقة لأن جمهورها كان يمنحه ثقته بنفسه في وقت كان متجاهل اعلاميا
منير بدون تحيز اهم فنان ظهر في الربع قرن الماضي شكل مختلف اداء مختلف فكر مختلف وكونه مثقف اضفي علي موهبة وجمال الصوت قيمة اعلي
الله علي منير وعلي كل اللي بيحب منير