e diel, 3 qershor 2007

عطشان

سيبونى اتوة وحدى
عطشان انا عطشان
الدنيا توب قدى
وماطيقش انا الغطيان
مركب تاخدنى لبلاد بعاد
ولقى يصادفنى من غير ميعاد
زمن ياخدنى لمكان
وعطشان انا عطشان
***
تصدفنى كتير وشوش
قلوب زى البيوت
طريق مابعرفوش
يوماتى عليه بفوت
سنة ورا سنة
اضيع هناك هنا
فى رحلتى انا
الدمعة ليها صوت
***
ليلى مالهش عيون
قمرى مالهش لون
دة انا كان لى فى الهوى
مشوار اخضر حنون
اهدى يادمعتى
ارسى ياخطوتى
انسى يادنيتى
كلة علينا يهون


كلمات الشاعر الرائع عبد الرحيم منصور
الحان محمد الشيخ
من البوم برئ

13 komente:

مش فاهم حاجة tha...

محمد ياسر

الله عليك

بجد الله عليك

عارف وانا بسمع الاغنية دى

بحس انى رايح لدنيا تانية

مش دنيا حزينة والله

بس دنيا
بحلم اكون فيها لوحدى

زى ماغنى منير كلمات العبقرى عبد الرحيم منصور



ليلى مالهش عيون
قمرى مالهش لون


عاوز ابقى كدة بالظبط

مش عاوز تبقى الدنيا على مقاسى

ولا عاوز يبقى مشوارى اخضر حنون

عاوزها كدة زى ما هى

انا وحلمى وبس

ولو هاتقولى اية حلمك

هاقولك

برضوا زى ما قال

عبد الرحيم منصور

تصدفنى كتير وشوش
قلوب زى البيوت

هو دة حلمى اللى بحلمة لما اسمع الاغنية دى

اغنية جمعت الملك

مع عبقرى نفوس
زى ما بحب اسمية

عبد الرحيم

بياخدنا فى رحلة مقدسة
للمنظقة المظلمة فى نفوسنا

الله عليها رحلة

Hannoda tha...

الأغنية ده ليها علاقة خاصة جدا معاي
بالذات الموسيقى اللي بين الكوبليهات

بتخيل نفسي في عربية ماشية بسرعة بين زحام ناس و اضواء محلات و عربيات تانية

وكل اللي حولي وشوش غريبة معرفهاش

أغنية كنت مدمناها في مصر

لكن من يوم ما سافرت و أنا بهرب من سماعها

shams tha...

كنت تايهة فين عن الأغنية دي
الكلمات من أروع ما يكون والألحان جميلة جميلة
أما الصوت فهو اللي وصل لي الإحساس العالي بالكلمات الجميلة بجد ثلاثية رائعة
الأغنية لما سمعتها خدتني وادي تاني خالص غير اللي احنا عايشين فيه

في رحلتي أنا
الدمعة ليها صوت


عمركو شفتو كده

بجد الواحد عطشان .. عطشان اوي

شكراً يا محمد على الأغنية دي بجد هدية حلوة

bebooooooo tha...

الكلمات روعة واحساسها عالى وصوت منير فوق الرائع انا بحب البلوج دا بجد عشان بلاقى فيه نفسى جوة كلمات منير

بحب السيما tha...

فكرة جميلة جدا انشاء مدونة لرمز كبير زى منير اثر وبياثر ولسه حياثر فى اجيال كتير
فى ناس كتير دلوقتى من محبى منير الكبار بيحاولوا يقللوا منه ويصورا اللى بيعمله على انه باع مشروعه ولازم احنا نبيعه
لا اكيد العملية مش بتتقاس كده
احنا لازم نبقى وراه دايما نشجعه ونحاول اننا ننورله طريقه
مش كده ولا ايه
والمدونة ديه حاجة من الحاجات ديه
فمنير تاريخ وحيفضل تاريخ حتى لو غنى ريان يافجل وده مش معناه برضه اننا معاه على طول الخط
بالعكس انا من اكتر الناس اللى هاجمت منير بس بدافع حبى ليه مش زهقى منه
مش حطول عليكم بس فيه حاجة اخيرة كنت عايز اكلمك فيها يامحمد ياسر
حاجة جميلة انك تعمل بوست تكتب فيه كلمات الناس نامت لكن لما الموضوع ده يتكرر مع عطشان يبقى احنا مابنقدمش جديد
لازم نحاول نقدم الاغنية من وجهة نظرنا مش مجرد رص كلام ولازم يبقى فى تجدد فى افكار البوستات
عموما ان افى افكار فى دماغى كنت بفكر اعمل ليها مدونة جديدة ولكن بما ان مدونتكم موجودة فاتمنى انى اكون من ضمن فريق العمل فيها لو ماعندكوش مانع

محمد ياسر tha...

بحب السيما
سعيد لتعليقك و انا معاك فى ان معملتش فى المرتين غير كتابة الكلمات بس لانى حسيت فى الاغنيتين دول بالذات ان كلامى هيكون مش قد كلمات الاغنيتين الرائعتين لكن بعد كده لو اتكتب كلام لاغنية هحللها و اتكلم عنها و انا كنت ناوى على كده فعلا غير ان فى حاجات تانية ان شاء الله هنكتب عنها مش بس كلام الاغانى
و ان شاء الله تهامى يدخلك معانا و تنضم بافكارك الجديدة و تضيف لنا

و اشكر جدا مش فاهم حاجة و هنودة و شمس و بيبووو

بحب السيما tha...

شكرا ياياسر على تقبلك الكلام بصدر رحب , وبالنسبة لاشتراكى معاكم فياريت يكون بسرعة يامعلم عشان الالبوم نازل وعايزين نسخن الناس

محمد ياسر tha...

اكتب ايميلك بس يا بحب السيما و ان شاء الله تبقى معانا

بحب السيما tha...

ده اميلى اللى انا بتعامل بيه
newbohra@hotmail.com
وده اميلى اللى انا مسجل بيه فى البلوجر
boosh_vip@yahoo.com
شوف بقى انت انهى واحد يلزمك
وشكرا على سرعة الاستجابة

تامر حسين tha...

احلي اغنيه طبعا
تحياتي

el condor tha...

كلمات رائعة

http://el-condor.piczo.com

nehad tha...

طيب لو طلبت اللينك بتاعها عشان انزلها او تبعتوهالي يبقي طلبي تقيل؟؟؟
اصلي كنت بدور عليها و لقيت البلوج بتاعكو

اخر ايام الخريف tha...

الله عليكم... منير ده ملك الاغنية العربية