e hënë, 25 qershor 2007

حفلة اخيرا


بعد انتظار والناس مستنية و ناس بتسأل امتى الحفلة مطولش عليكم


الحفلة يوم 13 يوليو الموافق الجمعة الساعة 9 فى دار الاوبرا المصرية


عايز اشوفكم يا مدونين هناك و ان شاء الله تبقى حفلة جامدة و عقبال الشريط بقى قريب

13 komente:

حسن ارابيسك tha...

فعلاً مجهود يستحق التقدير
انت فكرتني بنفسي لما كنت بعمل لمنير دعايه في أوائل مشوارة ومحدش لسه كان يعرفه
لذلك أدعوك لتشريفك مدونتي تتعرف من خلالها في بدايات تعرفي على الملحن القدير رحمه الله أحمد منيب صاحب أجمل ألحان أغاني منير
أتمنى تشريفك لي في مدونتي
هاتنور بزيارتك ليها

دعوة لزيارة مدونة شاعر تستحق الزيارة

http://mosaiiic.blogspot.com/

حسن ارابيسك tha...

الأخ العزيز محمد ياسر
فعلاً نورت مدونتي المتواضعة
وزيارتك لها معنى جميل عندي في جديتك في تبادل المعرفة والتقييم الجاد فشكراً لحضورك
على فكرة بالنسبة لمنير
أول عقد له مع أول البوم أمانه يابحر
كان مع شركة سونار - إسلام مقرها كان في جاردن سيتي -
عام الف وتسعمائة سبعة وسبعون وكان العقد عبارة عن مدة إحتكار 7 سنين أعطوا لمنير عربية سيات كانت وقتها طالعه جديد وحكايه في ذلك الوقت
و راتب شهري مائه وخمسون جنيه
طبعاً بعد كده منير حس زيه زي اي مطرب بعد أول عقد إنه إضحك عليه
وغلى لقاء في معلومة أخرى إن شاء الله

حدوته مصرية tha...

حسن ارابيسك
اشكرك وحضرتك منورنا هنا و اشكر حضرتك على اهتمامك و ردك و دايما عايزين معلومات من حضرتك كده
تحياتى

حدوته مصرية tha...

على فكرة اول البوم كان اسمه علمونى عنيكى وكان فيه امانة يا بحر مش كده ولا ايه

حسن ارابيسك tha...

الأخ الكريم/ محمح ياسر
اول ألبوم كان عليه صورة لوجه منير فقط ايام الشعر الكنيش الصورة كانت أبيض واسود كذلك الشريط كان الليبل بتاعه على الوجهين اسود
وكان الشريط مكتوب عليه أمانا يابحر لان اول أغنية كانت أمانة يابحر وعلومني عنيكي كانت تاني اغنية
وبعد الشريط التالت لمنير الليله ياسمرا أعادت الشريط طبع الشريط الاول أمانة يابحر
ولكن بترتيب مختلف أول أغنية فيه علموني عنيكي
وكان الشريط والعليه من النوع الشفاف والصورة كانت أخضر كذلك الليبل على الشريك كان أخضر
وبالتالي في ناس كتيرة لما اشتهر منير وعرفته كانت تشتري الشريط الأول صاحب الترتيب المختلف باللون الأخضر وعلى إعتقاد أن ده كان شكل الشريط أول مانزل
وشكراً

هيما tha...

علي فكرة انا مجنون منير
زي ما صاحبي بيحبه ينادي عليه
لان انا بحب منير اوي
وشكرا اوي علي المجهود ده

boshra mohamed tha...

منير اتعود دايما انه يعمل الحفلة بعد الشريط
فهل ده معناه ان الشريط نازل الاسبوع ده
يارب

اسكندراني اوي tha...

هو انا كان نفسي احضر بس للاسف انا مش موجود في مصر
لكن قلبي معاه
هناك وسط حبايبه

heba tha...

ايه هي الأغاني اللي في الشريط بالضبط ؟ وفعلاً في أغنيه لمنير اسمها "أنا برفضك يا فراق" وهي موجودة في الشريط ده ولا ايه ؟

يارب منير يفضل دايماً نجم ساطع في السما

حسن ارابيسك tha...

معلومة عن منير
بدايات منير كانت مع أغاني مقدمة المسلسلات في التترات وبداخل المسلسلات أيضا حسب المواقف الدرامية
فكانت البدايه مع مسلسل لسان المر والتي أعاد غنائها وتوزيعها في أحد ألبوماته الأخيرة
ومسلسل نهر الملح
وقتها تساءل القراء في جريدة الأهرام عن هذا الصوت الجديد العذب فكتب عنه كمال الملاخ رحمه الله
وقال لهم أنه صوت مطرب اسمه محمد جديد من أبناء النوبة لكنه مقيم بالقاهرة ويدرس في كلية الفنون التطبيقية في السنة الأخيرة قسم كاميرات
وأذكر حينما إستضافته نجوى ابراهيم في عام أربعه وثمانون في برنامج استوديو المنوعات على ما أذكر وقالت له ألا تحن للوقوف خلف الكاميرا وطلبت منه أن يمسك بإحدى الكاميرات ويجرب وفعلاً ووقف خلف كاميرا تلفزيونية في الأستوديو وحاول تصويرها وجاءت النتيجه فاشلة جداًوقال لها أنه درس على جيل من الكاميرات أقدم من هذا
وقتها طلبت منه نجوى ابراهيم أن يغني لعبد الحليم حافظ ورفض واصرت ورفض وأصرت ورفض وقالت له غلى أي مدى يحب محمد منير ذاته
فكانت إجابته أنه لا يحب إلا أن يكون نفسه وأن يحب أن يغني أغانيه فقط
ولكن السنوات دارت ووجدنا منير نسى ما قاله عن مبدئه زمان وغنى لشاديه ولنجاة وورده ولمحمد طه وكانت أسوأ تجربة
وشكراً

حدوته مصرية tha...

اشكرك لمعلومات وبالنسبة لرفضه فى بداياته فانا بعتبر ده كويس جدا منه لانه كان فى الاول و لازم يثبت منير مش يطلع يغنى حد و هو اصلا سكته مختلفة عن جيله و جيل حليم اللى قبله
اما لما دخل مؤخرا بقى فى الموضوع ده فده لانه خلاص بقى محمد منير اللى الناس عرفاه فحتى لما بيغنى لحد هو بيغنى بطريقته و باختلاف و ده ساعات كان ناجح و ساعات عادى او فشل لكنه على الاقل كان منير مش مقلد
ولما غنى انا بعشق البحر و شئ من بعيد كان جميل جدا فيهم بجد هايل اوى و فى حكايتى مع الزمان و صياد بعتبره كويس برضه بس مش زى الاتنين اللى قولتهم الاول

انا بعتبره نجاح فى تقديم الاغانى دى فى الوقت الحالى عندك كمان اغنية دايرة الرحلة اغنية قديمة غناها منيب و منير قال انه زمان لما منيب قاله يغنيها كان خايف و هو لسه فى بدايته انما دلوقتى اتغير الموضوع و نزلها فى قلبى مساكن شعبية

سعيد اوى بمعلومات حضرتك

بالنسبة لشمس ان شاء الله البوست الجاى اكتبلك العشر اغانى اللى المفروض هينزلهم منير فى شريطه الجاى

و يا جماعة محدش جاى منير ولا ايه المفروض كتير يعنى من المدونين

معلش على الاطالة
تحياتى

heba tha...

شكراً يا محمد
في الانتظار

حسن ارابيسك tha...

محمد
شكراً لتبادلك وجهات النظر
جزيل الشكر لتعبك معايا في الرد على استفساراتي
وشكراً