e premte, 30 mars 2007

لماذا محمد منير؟





لماذا محمد منير ؟

اعرف أن بعض قد ينظر إلي المدونة علي أنها مجموعة المراهقين مبهورون بفنان معين إلى أخره من كلام لن أجيب عليه
محمد منير صاحب تأثير عليا ؟ بطريقة فكره ؟ أسلوبه ؟
قد اختلاف معه و قد أتفق معه
ولكن ع الأقل عنه أسلوب في زمن الارجوزات و المقلدين
منير إنسان مصري بسيط يفخر بأصوله النوبية و الجنوبية و لا يستعر منها مثل غيره
إنسان يعبر عن نفسه .. ولا يلهث خلف الغرب .. بل يقف أمام الغرب بجذوره وتراثه
ليست كل أغانيه تتحدث عن الحب بل يتحدث عن الحلم و الحياة و الموت و الأمل

السؤال الآن لكم لماذا منير ؟

15 komente:

-_- tha...

منير لا يهتم بمظهره على الاطلاق

اكاد اشم رائحة عرقه كلما نظرت الى صوره

!!!

heba tha...

منير تحسه مننا ، بيتكلم وهو وسطينا ، بيتكلم عن حاجة احنا شايفينها وحاسينها كويس قوي وزي ما نت قلت مش بيتكلم عن الحب بس .. ده بيتكلم عن كل حاجة في الحياة عن الأمل عن الدنيا عن الفرحة عن الحزن عن الكآبة عن الخيانة عن الصداقة عن الشارع عن البيت عن الزحمة عن مصر عن بلدنا عن البحر عن الهوا عن الكبار والصغيرين

باختصار .. الكلام اللي طالع من القلب .. بيوصل للقلب

صوت فيروز tha...

شوفي يا شموسه بقي , انت جيتي علي وتر حساس جدا عندي
و اللي احب انك تضفيه لمنير
انه مش بيتفهم , لا ده بيتحس بمعني, ان منير مش لازم تترجمي كلامه ,كلامه بيوصلك بشكل كبير بيدخل لدمك , علي الرغم اني بقيت مش بحب اوصل للدرجة دي لاعجابي بمغني معين, لان ده في شئ و بأكد علي كلمة شئ من الحرمانيه, لكن حقيقي بحس انه فن سريالي رهيب زي ما تشوفي مجموعة الوان مع بعضها مش بتدي اي شكل لكن بتحسسك بحاجه بتنقلك نقلة شعوريه تانيه

ابحب ليه اوي اغنية النيل
بحس سعتها اني بقيت انا و نهر النيل حاجه و احده مشيين مع بعض
( النيل سؤال و جواب مجاش عليه الرد من اد ايه و منين ما قلش عمره لحد)

safa7_karmooz tha...

منير ده احساس ....مش بيغنى ببقه...تؤ...ده بيغنى بقلبه ...بيغنى باحساسه ...

تحسوا انه بسيط...مش متكلف ...مش مغرور زى ناس تانية ...قنوع ...فيه حاجااات كتير بتميزه ...عشان كده هو محمد منير ...:)

حواء tha...
Komenti u hoq nga autori.
نهر الحب tha...

انا بصراحه بالنسبه ليه محمد منير عادي لكن انا بحب قوي اغنية انا بعشق البحر و ربك لما يريد و احمر شفايف
هوه صوته جميل و معبر قوي

Unknown tha...

منير

احساس
يخرج من قلب فنان
وبيدخل قلبى
من غير حتى ما يخبط عالباب
احساس منير

حسيتة بقلبى
من صغرى
يمكن من وانا عندى سبع سنين

واعتقد ان منير غنى لكل حاجة
وغنى لكل واحد

vision tha...

عالشان مقدرش مسمعوش عالشان انو تاريخ عالشان منير د ههو الأغانى الوطنيه..الثوريه...منير ده اتكلم عن كل حاجه عن الحب عن العشق عن الجرح عن الخوف عن الغربه..عن الأمل عن الفرحه عن الأمل عن الأمل من هنا للصبح عن الحياه منير ده هو الكينج بجد بالنسبالى على الأفل

من ايام ما كنت بالمريله الكوحلى

Anonim tha...

كانت أول مرة أسمع فيها محمد منير و أنا في المرحلة الإعدادية
أخويا إشترى شريط إسكندرية .. اللي بأعتبره من أجمل الألبومات اللي عملها.. و لما سمعته .. كانت أكتر حاجة عاجباني الألحان و الموسيقى
و من يومها مفيش شريط قديم و لا جديد لمنير إلا و سمعته
أغرب و أجمل حاجة بأه إني كل مرة بأسمع أغنية من أغانيه القديمة اللي ياما سمعتها قبل كده بأكتشف معنى جديد أنا ماكنتش واخد بالي منه
إكتشفت إن منير أغانيه و ألحانه كانت سابقه وقتها بكتير
بمنتهى البساطة : منير فنااااااااااااان

الأرمـوطــي tha...

انا كمان بحب محمد منير

اتفضل عندنا tha...

Mounir dah donya tanya, soot ma3gon be mayet elneel, we howa beyghany ba7eso aboya we akhoya we 7abiby, ba7eso 2orayeb 2awy, fe zaman kol wa7ed gablo benteen yetra2aso we 3amal feha elwad elgamed, tela2y wa7ed zay Mounir, lesa fare2 ma3ah elnas we bey7lam ma3ahom we ye7es be 2alamhom

Ana kan leya elsharaf eny a2ablo aktar men mara we fe kol mara kont ba2of 2odamo metana7a , 7asa en elensan dah a3la men eny akalemo aw 7ata a2arb meno, Mounir howa elly khalany a7eb masr we a3sha2 torabha, 7ata we ana fe akher eldonya sotto bey7asesny eny ma be3edtesh wala la7za

Law fedelt atkalem 3aleh mesh habatal

Diabloooz tha...

إتنين لازم تسمعهم فيروز و منير
فيروز تغنى بصوتها العازف و تنقلك لعالم غريب جدا من الجمال و الاحساس العالى
منير يغنى بإحساسه العالى ليشعرك بأنك تدندن و تستمع الى صوتك الداخلى و انت جالس على شط أسوان فى شمس الشتا الجميله
و مش هيتكرر تانى حد يقدر يعمل كده

... تحياتى

SomeOne tha...
Komenti u hoq nga autori.
adhm tha...

ولية مش محمد منير

feeling tha...

مفيش شك محمد منير احساس مميز
وصوت لو نكهه خاصه