ألبوم محمد منير الجديد نزل وسمعته وعجبني كله ورائع كالعادة بس الأغنية دي شدتني أكتر اسمعوها كده وكلماتها أهيه :
علشان يشبهلك يا حبيبتي .. علشان يشبهلك .. حبيته
كان نفسي أناديلك .. يا حبيبتي .. كان نفسي أناديلك وناديته
كان نفسي أناديلك .. أشكيلك .. أسمع منك .. أبكيلك
كان نفسي أنور لك قمري .. وأعمل لك بإيدي الشاي
واحكيلك في الليل حكاياتي .. وأغني لعينيك بناي
كان نفسي أضمك .. وبقوة .. أضمك إنت مش هو
كان نفسي أناديلك .. أحكيلك .. أسمع منك .. أبكيلك
كان نفسي وجريت أيامي .. خدني البحر ووداني
كان نفسي
كان نفسي أناديلك .. يا حبيبتي .. كان نفسي أناديلك وناديته
كان نفسي أناديلك .. أشكيلك .. أسمع منك .. أبكيلك
كان نفسي أنور لك قمري .. وأعمل لك بإيدي الشاي
واحكيلك في الليل حكاياتي .. وأغني لعينيك بناي
كان نفسي أضمك .. وبقوة .. أضمك إنت مش هو
كان نفسي أناديلك .. أحكيلك .. أسمع منك .. أبكيلك
كان نفسي وجريت أيامي .. خدني البحر ووداني
كان نفسي
بس في حاجة .. هو كان بيتكلم على حد بضمير المذكر الغائب أو يمكن رمز بيدل على حاجة .. لو حد خمن هو مين يقول علشان عايزة أفهم لأن في دماغي كده كذا تخمين بس عايزة أعرف آرائكو
24 komente:
مش عايزة تخمين
اكيد بيتكلم عن مراته اللى ماتت
وابنه اللى شبهها
الحمد لله ان طلع لامه يا ملك
هو ممكن يكون قاصد موقف معين مش شرط شخص ..
لو افترضنا انه شخص ممكن يكون هو نفسه او دماغه يعني
لو مش شخص ممكن يكون موقف احال بينهم
...مش عارف بالظبط
انا سمعت الاغنيه كتير ولسه سامعها قبل ماادخل المدونة هنا
بس اكيد فيه لغز انا هحاول اعرفه وابقي ادخل اكتب لو اكتشفت :)
صحيح يا جماعه اتمني لو ممكن يعني تضيفوني مع فريق عمل المدونة لانى من عشاق محمد منير من زمان ( على قديمه يعني )
مع خالص شكري
شمس
vetrinary
أنا خمنت برده ان بيتكلم عن ابنه بس استغربت لما لقيته بيقولها انه حبه علشان يشبهلها ولا هو يقصد حب أقوى فوق الحب الطبيعي الأبوي
ولما قالها أضمك انت مش هو ده افتقاد فظيع جداً لدرجة انه بيتمنى يضمها هي مش ابنه فلذة كبده
بس بجد لو خدنا الموضوع واحد بيحب مراته بالشكل ده يبقى حاجة جميييييييلة اوي وربنا يوعدنا
----------------------------
shams
أنا شمس برده .. بصرة
لو بيتكلم عن موقف أو رمز يبقى معناها ايه ؟
بس عموماً الأغنيه تحفة وفي منتهى الروعة بجد جميلة اوي
فينك يا "بني آدم مع وقف التنفيذ" مش بتبان ليه ؟
وبعدين ياريت تقولي هو اسمك تهامي بالتاء ولا نهامي بالنون علشان أندهلك بيه أحسن من بني آدم وشكراً
سمعت الاغنية من غير ما اشوف الفيلم
انا متعود أن النوبة بتذكر المؤنث و العكس
وفيه اغانى تانية بيغنيها منير لضمير مذكر
الحاجة اللى انا مستغربة
انى بل ما افتح مدونة كانت الاغنية فى دماغي
وحست بيها انهاردة
لانى شوفت حد يشبه لها أوى
اسمى تهامى ي شمس
معلش امبارح عندى ظروف مقدرتش ادخل النت
وانا سعيد الحمد الله ان مدونة بدأت تنجح فى وقت صغير
دخلت أكتر من مدونة ليقتهم حطين المدونة قائمة المدونات المفضلة
شكر جدا للجهودك يا شمس
ايه لخبطة الشمسين اللى حصلت دى انا بقرا التعليق التانى وانا مستغرب هى بترد على نفسها وبعدين لقيت الرد التالت
المهم الاغنية جميلة فعلا و انا محاولتش افكر فى شئ معين لتفسيرها عشان تكون ليها كذا تفسير و وجهة نظر فتكون لسه جميلة
و على فكرة باقى الالبوم مش حلو الا دى واغنية مين و اتوه فى الشوارع بس!!
تحياتى يا منايرة يا جمال
صحيح بما ان هنا كله منايرة عايز اعرف حفلة منير فى نادى الزهور دى امتى وبكام ؟
ولا محدش عارف؟
الحفلة يوم 29/3 في نادي الزهور ..
حيتكرم فيها نجوم الكرة .. حازم و ابو تريكو و حسام حسن
فيه مفاجأت تانية
ممكن يكون في حد بيغني قبل منير
للأعضاء فري .. لغير الأعضاء غالبا حتكون تكت ب 15 او 30
منقول من منتدي أيجي فيلم
مدونة جميييلة جدا
ومنير يستاهل طبعا مفيش شك
برغم إن زعلانة منه شوية عشان الفترة اللي فاتت بدأ يهتم بالجانب التجاري على حساب المضمون والتجديد والتفرد اللي كان بيميزه دايما
أنا أعذره الحقيقة
كمان سمعت إن شريطه الجديد اللي لسه هينزل طعم البيوت شريط جيد وتجربة متميزة زي تجاربه القديمة
masme3tish el album lessa...bas kalamha 7elw w mo2asser awi...
bas ana 3ayza as2al 3la 7aga, oghneyyet Hanina bta3to...ezay ha2dar ageeb kalemat el oghneyya?!
msh fahma menha wala 7aga
w ma3lesh ana fel shoghl w mafish 3arabe 3la el keyboard elle hena
هو الفيلم ده نزل فين انا لفيت وراه كتير وماقابلتوش في ولا سينما ؟؟؟
الفيلم نزل شهر واحد .. و اقعد أسبوع واحد
ايه كل ده كنسلتوا لتحليل الاغنيه ده انا افتكرتكم بتناقشوا قضيه مصيريه معلش هبقي اسالكم منير سخصيا كان قصده مين بالظبط
من الواضح كده ان محدش شاف الفيلم لان محمد منير طالع فى الفيلم كفيف (اعمى)وكان بيقصد ده واى خدمه يا اخوانا
vetrinary said...
مش عايزة تخمين
اكيد بيتكلم عن مراته اللى ماتت
وابنه اللى شبهها
الحمد لله ان طلع لامه يا ملك
.............................
دا التفسير الطبيعي لاي بانيآدم بيفهم
انما جسلين صعب شغلت المزيكه في الفلم الاهطل بتعها و حنان ترك بتتمشى فالشارع
ايه العلاقه ؟؟؟؟؟
مجهوله
ممكن يكون يقصد البحر يعنى افرض مثلا جدلا مثلا انه بيبه حبيبته بالبحر ووبيحضن البحر فيها ان حبيبته جمالها بجمال البحر مش ممكن برده ؟
ممكن تكون دى حاجه فى احداث الفيلم يا جماعه
عالعموم الاغنيه حاله جميله
عندي جماعة اصحابي يعرفو منير اوووي
و بيقلو ان منير بيكلم القمر ف الاغنية دي
بس مش متاكد
تصوروا إن الضمير المذكر للقمر !!!
أنا برضه إتعجبت كده فى الأول بس الأغنية رائعة
اقتنعت بكلام صديق قديم قال لي
انه بيتكلم عن الجنس , الفيلم فيه تناقض بين الحب الحسي و الحب المادي واللي هو الجنس , اظن انه كان نفسه في الحب الحسي مع دنيا لكنه مقدرش يضم غير الحب المادي اللي كان مع الست التانية
اولا شكرا ثانيا هو بيتكلم عن التمثاااااااااااااااال
كان بيتكلم على قلبه علشان مقدرش يضحي بيه علشانها و لما جت لحظة اللإختيار أختار قلبه بدل ما يختار حبه ليها
الاغنيه من الفيلم لازم نشوف الفيلم علشان نعرف غير كده اى حد بيفسرها بمزاجوا
الاغنية بتحكي احساس حنان ترك التي فقدت امها دون ان تتعرف عليها من قرب ومن شدة حب حنان ترك لامها ورغبتها في ان تلازمها وتعيش حياتها احبت مهنة امها التي هي الرقص وكانت تشعر دائما بقربها من امها اثناء رقصها وهو ده تفسير الاغنية ببساطه وبناء على الفيلم اللي اتغنت فيه
Posto një koment