عندما أسمع لازم أخرج من البيان الضيقة

عندما تفقد الأمل و يكون الاكتئاب هو سيد الموقف .. عليك أن تسمع تغوص في أغاني منير .. مغنى الأمل و الأحلام السعيدة
أجمل شئ فيه أغانيه عن الأمل و الحلم

ابحثوا عن الأمل و الحلم ..ابحثوا عن الحياة .. مغني يبحث عن السعادة و يفكر ما هي فائدة الحياة ؟؟ مغنى يغنى للرحمة بين البشر
يبحث عن القيم الاجتماعية النبيلة و يغنى لها

اسمحوا لي أن أقول أن منير أهم مغنى سمعته .. مغنى لا يغنى ألاغاني مستهلكة للعواطف و كلها متشابهة .. منير يبحث عن الناس و يغنى لهم ...
فنان حقيقي له أهداف .. مشروع كامل للمطرب سوف يتذكره التاريخ



اخرج من البيان

اخرج من البيان الحر الضيقة
الكون صابح جميل والدنيا مروقا
بترشرش على الولاد
على الحلم فى الحارات
رشت على الببان
ع الزحمة فى الميدان
رشت على البنات
على الكحل على الحاجات
على الكحك فى الصاجات
وقمصان الشقا
اخرج من الببان
***
خوفك مش قدر
وهروبك مش طريق
قلوعك لو ورق
ما بتنجيش غريق
طير زى النسور
م النخل للكافور
غوص جوه البحور
وهات اللؤلؤة
اخرج من الببان
***
كل شئ بيدبل
لوحده فى الخريف
عيش سنين شبابك
بقلب مش ضعيف
ده الحلم نار ونور
لو ثار الكون يثور
اضحك وارقص ودور
وافرح باللقا

جمهور منير

زى مهو واضح انا هتكلم عن جمهوره اللى من خلالهم هنلاقى منير برضه

منير الحدوتة المصرية اللى لمست فى كل واحد حاجة و دخلت قلبه و اعتبر جمهوره جمهور غير عادى و مستمعيه بيسمعوه غير ما بيسمعو اى مطرب تانى بيسمعوه بقلبهم ودماغهم

كمان بعتبرهم من المثقفين او المهتمين على الاقل بالثقافة والادب نظرا لان منير غنى لشعراء كتير عامية (شعراء بجد مش بتوع اليومين دول لا) شعراء زى صلاح جاهين و فؤاد نجم و فؤاد حداد و عبد الرحيم منصور و غيرهم فجمهور منير واعى بكلماته صاحبة المعانى الكتير و العميقة

و الحانه المتميزة برضه اللى بتعبر عن مصريته والنوبة فالموسيقى اللى بيستخدمها موسيقى بلده مش من برة و ده من الحاجات اللى خلت منير ليه جمهور عريض فى اوروبا

زى ما قلت الجميل فى جمهوره هناك السئ وهو بما انى حضرت العديد من حفلاته التى تتميز بالزحام الشديد مش عارف ايه العلاقة بان يكون حفلة لمنير فجمهوره يجيب الحشيش و خلافه ويشربه فيها فعلا فى كل مرة لازم يحصل كده و مش فاهم ايه العلاقة وليه ؟ دى الحاجة الوحيدة اللى اتمنى تختفى من حفلاته

برضه على الرغم من جمهور منير الكبير ده فى مصر الا انى شايف انه مظلوم لغاية دلوقتى مظلوم اعلاميا و فى نظرى انه مخدش حقه الكافى فى الاعلام بمعرفة اغانيه و تاريخه و ده طبعا لانه مش زى الهلس الموجود

كل شيء ممكـــــن

كل حاجة عايزها أو عايزاها .. ممكـــــن

أسكن بيوت الفرح .. آآآه ممكن

أسكن بيوت الحزن .. لاااا يمكن

ومستحيل يا حزن راح تسكن

قدر الزمان يفهمنى .. آآآه يمكن

شكلني بطعم الأفراح .. لوني بلون التفاح

وبطعم المانجة وكمنجة .. تعزفلي عالجرح ارتاح

يمكـــــــــــن

مشيني على كفوف الراح.. نسيني لو حلم وراح

واشمعنى المعنى بيعرفني .. لو دابت في قلوبنا جراح

يمكـــــــــن

أسكن بيوت الفرح .. آآآه ممكن

أسكن بيوت الحزن .. لاااا يمكن

ومستحيل يا حزن راح تسكن

قدر الزمان يفهمنى .. آآآه يمكن

لماذا محمد منير؟

لماذا محمد منير ؟

اعرف أن بعض قد ينظر إلي المدونة علي أنها مجموعة المراهقين مبهورون بفنان معين إلى أخره من كلام لن أجيب عليه
محمد منير صاحب تأثير عليا ؟ بطريقة فكره ؟ أسلوبه ؟
قد اختلاف معه و قد أتفق معه
ولكن ع الأقل عنه أسلوب في زمن الارجوزات و المقلدين
منير إنسان مصري بسيط يفخر بأصوله النوبية و الجنوبية و لا يستعر منها مثل غيره
إنسان يعبر عن نفسه .. ولا يلهث خلف الغرب .. بل يقف أمام الغرب بجذوره وتراثه
ليست كل أغانيه تتحدث عن الحب بل يتحدث عن الحلم و الحياة و الموت و الأمل

السؤال الآن لكم لماذا منير ؟

طعم البيوت سوف يصدر قريبا

فى ألبوم عشق البنات غنى منير و قال "دور ع الناس...فى قلوب الناس" كانت جملة بسيطة و ساحرة...و البساطةو السحر هما مفتاح ألبومه الجديد "طعم البيوت"الذى يمثل حالة مختلفة من العشق...عشق ناضج الى حد البراءة...عاقل الى درجة التهور....مجنون الى درجة السكون....حالة لا ينفذها الا الكبار....الخال الأبنودى...و العم سيد حجاب, و مجدى نجيب, و الرحبانية, و عمار الشريعى و وجيه عزيز و طارق عبد الستار و رومان بونكا-عاشق العود المجنون- مع مفاجأة أو للأدق اكتشاف منير الجديد فى التوزيع.

بساطة حالة منير فى ألبومه الجديد يأتى سرها من أنه لا يغنى تجربة شخصية بل يغنى لتجربة انسانية" هل تتذكر أغنية حدوتة مصريةعندما قال "يهمنى الانسان" فى هذا الألبوم يمسك منير بهذه اللحظة فيقول فى أغنية أتوب كلمات طارق عبد الستار "أنا محتاج أصلى و أشكر ربنا....يا أجمل شىء حصلى من مليون سنة" فهو هنا عاشق يمر بتجربة هى الأفضل له منذ مليون سنة و هى الحالة التى تطغى على الألبوم.
حالة رصد التجارب الانسانية تستمر خلال الألبوم ففى أغنية الوداع " لو كان لزاما علينا الرحيل...أنا بكرهك يا وداع" فى دمج رائع بين الفصحى و العامية قدمه الشاعر الكبيى مجدى نجيب...الكلام هنا عن عاشق يفارق حبيبه أو ابن يفلرق أسرته أو شاب يترك وطنه و يهاجر....أو شخص يرحل عن دنيانا.

لا أعرف لماذا تذكرت المرحوم شقيق منير الذ مرت أربعينه قبل أيام و هو يردد بصوته الشجى "أنا بكرهك يا وداع" بألم - و هى حالة انسانية أكثر منها شحصية.و شخصية لدرجة أنك تشعر بعموميتها نفس العمومية التى تراها فى أغنية" من غير كسوف" عنما يقول " مشيت و ياكى للأخر....أتارى أولك أخر"بنفس البساطة التىيقول فيها "بحبك حلم على قدى"...انه حلم صغير على القد لملايين الشباب...حب يفرح بأبسط الأشياء يفرحنى سحر صوتك الهامس... أسرح لما نتهامس... فى صوتنا لما نتلامس"... فحلم منير الجديد صغير و على القدخارج حسابات السوق و منطق المكسب و الخسارة.....أما أغنية طعم البيوت و يقول مطلعها" طعم البيوت فى الشوارع ....طعم الشوارع بيوت" و التى اختارها لتكون عنوان للألبوم ففيها روح بيوتنا المصريةو شوارعنا الصامتة المنكسرة القلقة, التى قد نهرب منها لكنها فى النهاية هى عنواننا الذى نعود اليه بعد رحلة طويلة للراحة...

منقول من جريدة الدستور