e diel, 25 maj 2008

حالة منيرية مستعصية

افرح اغنى احزن اغنى اتعب اغنى ديما بغنى
الدنيا دايرة غصب عنى فى ايديا اهة غير انى اغنى
مثلما يغنى منير بكل الحالات التى تمتلكه اكون انا كذلك اغنى ليس فقط اغنى بل اغنى اغانيه و اغنيها معه
منير الذى عبر عن كل المشاعر التى اشعر بها
يا ليلة عودي تاني يا ليلة كوني تاني
خدينا طهر و روح و ردي فينا الروح
كما يرجو منير الايام ان تعود و ترد الروح اتمنى و اشعر تماما بهذا خدينا طهر وروح و ردى فينا الروح
لا أنا بخبي مكاني ولا كمان عنواني
قطر المحبة نساني عدى وليه عداني
لما تهل المغارب قلبي بيصبح قارب
تليليه يا ليلة يصبح في عينيك هارب
بحر الهموم العالي لوحدي فيه ولا خالي
شطك يا ليلة قبالي والله صورة في خيالي
صعب جدا ان افسر حالتى غير فى هذه الكلمات الرائعة للشاعر عبد الرحيم منصور و التى اداها منير بمنتهى البراعة مع لحن منيب .. حتى تعليقى على الكلمات مش عارف اوصفه
شبابيك الدنيا كلها شبابيك والسهر والحكاية والحواديت
عندى ارتباط شخصى بالاغنيتين دول مع بعض بحس ان ليهم صلة ببعض عن طريقي
و فى الاغنية دى و منير بيقول كلها دايرة عليك و الكلام كان كان عليك
و اللى كان خايف عليك انتهى من بين ايديك
ده عنيك شبابيك
ده بيتكلم عنى انا مش هو بس لا

دى عنيك شبابيك والدنيا كلها شبابيك
سرقت عمرى من احزانى سرقته لكن ماجانى
ولا حد شاف فين مكانى ورا الشبابيك
حاولت اسرق عمرى و يجينى لكن برجع مش عارف مكانى غير انه بس ورا الشبابيك
غيرت ياما كتير احوالى وانا كنت عاشق وكان يحلالى

احب بس يكون حلالى ورا الشبابيك
احلى كوبليه بقى الجاى كمان
انا بعت الدموع والعمر طرحت جناينى فى الربيع الصبر

وقولت انا عاشق سقونى كتير المر ورا الشبابيك
دى عنيك شبابيك والدنيا كلها شبابيك

البوست يبدو شخصى (اسف)بس الاغنيتين دول كان لازم اعمل عليهم بوست


2 komente:

Soooo tha...

مين قالك ان البوست ده شخصي
مع منير مافيش حاجه اسمها شخصي
منير تحس انه بيتكلم عنني وعنك وعن صاحبي وعن اخويا وعن الفقير وعن الغني

منير حاله
والحاله عمرها ماكانت شخصيه

طب بذمتك .. الناس نامت اللاي .. دي شخصيه عنك .. وشخصيه عنني .. شخصيه عن كل الناس .. صح ولا ايه



سلامووووووووووز

جاستين بيبر tha...

nice post i love it thanks 4 u :)