e premte, 20 korrik 2007

البوم منير قريييييييبا

تحديث : تأجيل نزول البوم منير الى العيد
----------------------------------
اغانى البوم منير القادم بعنوان طعم البيوت

1
نيجربيه
( نوبي للحاج منيب )
2
يونس
تأليف عبد الرحمن الابنودى
جاى من بلادى البعيدة..لا زاد ولا ميه..وغربتى صاحبتى..بتحوم حواليا..وانتى تقوليلى باحبك..بتحبى ايه فيا..ودا حب ايه دا اللى من غير اى حرية...........يونس فى بلاد الشوق..آه ياولد الهلالية..بتونسنى دموع العين..وآنا سايب اهاليا..آه ياولد الهلالية..لا عليا ولا بيا..ياعزيزة يابنت السلطان..لو يتغير الزمان..وقابلتيني فى اى مكان..كنت اعشق من غير ماتقولى
3
مش محتاج أتوب
من كلماتها
مش محتاج اتوب..حبك مش ذنوب..ولا عشقك خطية انا محتاج أصلى..واشكر ربنا..ياأجمل شئ حصلى..من مليون سنه
4
معاكي بضحك بصوت عالي
5
يا أبو طاقية الشبيكة
من اغانى القديمة و غنتها صباح
6
تحت الياسمينه
وهى من التراث الجزائري
7
ورد
8
ساقى الوداد
9
خيط ضعيف
10
الرحيل

فى كلمات لاغنية برضه بس مش عارف هى عنوانها ايه
يالون ربيع وردي..الحزن مش قصدي..انا فرحي شوف قدي..طارح نهار

و هناك قول بأن فى الشريط احياء لاغنية سؤال القديمة لمنير
سؤال.. ايه اخرة الترحال .. و سهر الليالى

و هناك قولين بشأن عنوان طعم البيوت رأى بيقول انه اسم للشريط بس بدون اغنية و رأى بيقول ان فى اغنية و بتقول
طعم الحاجات 00 بيعيش سعات 00 ويدوم قوام 00 مايعيش غير 00 طعم البيوت00 جدران بتحضن جوة منها قلوب كثير 00 وابواب بتقفل ع الجانينى وع الوزير 00شباك موارب من وراة واقفة الصبايا 00 قضوا النهار فى الوقفة قدام المراية00 اسرار كتير 00عدد البيوت فى الشوارع 00 طب لية ما يبانش غير اللى يطلع منة صوت 00اللمة لما تحلى فى ساعة العصارى 00تفتح مزاد ع الحب تلقى الف شارى 00شاهد بيشهد م البداية للنهاية 00وكل ركن فى قلبة يحكيلك حكاية 00وكفاية لما بتلاقية 00فاتح دراعة بيناديك00ويقول تعالى فى حضنى 00دا انت وحشتنى موت


يتعامل مع منير فى الالبوم من الكتاب الابنودى ومجدى نجيب و بهاء الدين محمد و كوثر مصطفى
و من الملحنين وجيه عزيز و محمد رحيم
و فى التوزيع اعتقد هناك موزع جديد هيكون مفأجاة


-------------------------------------------
الكلام ده مجمعه من كذا حتة و هى مقال خالد كساب فى الدستور و موقع ايجى فيلم جزء منتدى منير و جروب منير فى الفيس بوك

32 komente:

shams tha...

شكراً يا محمد
بجد انت رائع
شفت الكلام بتاع الأغاني ملوش حل ازاي
دايماً منير بيغلب نفسه
كل مرة بيبقى احلى من اللي قبلها
حتى قديمه عمره ما بيبقى قديم

يارب يوفقه دايماً يارب
وانت كمان يا محمد

tohamy tha...

مجهود رائع يا محمد

البنت الشلبية tha...

سلام عليكم

اذيكم انا منيرية وبحب منير جدا وياريت ومبسوطة اوى ان فى بلوج فى حب منير

شكرا

R.O.U.R.O.U. tha...

ya mosahel,mestaniyino :)

bocycat tha...

احييك على حبك لمنير

Mirage tha...

ايه الاخبار الجامدة دى

انا مستنى على أحر من الجمر والله

ده شكله البوم جامد طحن

محمد ياسر tha...

اشكركم جميعا و يقال ان الالبوم نازل خلال اسبوع كده !! ربنا يسهل و نشوف مع انى متعجب جدا فين الدعاية والبوستر

تحياتى

عروس البحر tha...

شكلك بتحبي منير موت عملاه مدونة و حفظه اخباره و عارفة حتي كلمات اغنيته

حسن ارابيسك tha...

عزيزي محمد ياسر
المدونة وقعت بسبب مشكلة سبام كان في تعليق هنودا
ومش عارف العمل ايه ياريت تجرب وتدخل على مدونتي وانت تعرف الحكاية

محمد ياسر tha...

عروس البحر
انا بحب منير موت
بس مين قال انى بنت ؟؟!!!!!

حسن ارابيسك
فعلا انا جيت ادخل المدونة مش موجودة اعتقد حضرتك ادخل على الداش بورد و ظبط فيها السيتنج حاول كده ولو معرفتش راسلنى على الايميل ربما اقدم مساعدة اكبر
تحياتى

حسن ارابيسك tha...

عزيزي محمد ياسر
الحقيقة انا زيك بالضبط لا استطيع الدخول اليها
والموضوع من اربع ايام لما كتبت موضوع وحاولت انشره لكنه اصبح درافت غصب عني وذلك بسبب رساله من ادارة الموقع تخبرني بوجود سبام من احد التعليقات وتخبرني بقيامها بالتشييك على المدونه وان حل المشكلة لن يتعدى الآربع وعشرون ساعه ويعتذرون على ذلك المهم فات اكتر من هذا الوقت ولم يحدث شئ وانا لا استطيه الدخول الا الي الصفحا التي دخلت انت عليها
شكرا لإهتمامك

محمد ياسر tha...

دخلت المدونة دلوقتى ولاقيتها موجودة بكل شئ اعتقد انها رجعت الحمد لله

علوة tha...

أنا أسف جدا جدا لعدم التعليق على الموضوع
بس انا عايز منكوا خدمة يا جماعة
يا ريت تدخلوا البلوج بتاعي وتشوفوا الموضوع بالظبط
أنا أسف تاني لعدم التعليق بس انا معتمد على إننا اصحاب
أرجو انكوا تيجوا عندي أول م تقروا الكلام ده

حسن ارابيسك tha...

عزيزي محمد
شكراً لإهتمامك
انا كنت أرسلت رساله لإدارة الموقع أشكو فيها تلك المشكلة والحمدلله رجعت
شكراً مره تانيه على شهامة ولاد مصر

شباب روش طحن tha...

أعتقد أن منير من ألإضل المطربيين الموجودين علي الساحه بالرغم من إختلافي معه في بعض النقاط لكنه أي منير من ألإضل المطربيين من حيث إختياره لكلمات أغانيه ويكفي أن يكون من القلائل الذين غنوا لعبد الرحمن الأبنودي

alzaher tha...

شكرا على الهدية الجميلة دي
:)

samo tha...

اسمحلى اقدم جزيل الاحترام والامتنان لتقديرك الكبير لمطربنا المحبوب منير والكبير احمد منيب

واسمحلى ارد عليك بأغيه لاحمد منيب

اغنيه هتعجبك كلماتها كتير

مفيناش من خوف

مفيناش من الخوف

مفيناش من الكدب

مفيناش من الخوف

مفيناش من الكدب

قلبنا ملهوف

واشتقنا ياحب

مفيناش من الخوف

مفيناش من الكدب

قلبنا .. قلنا .. عمرنا قدنا يحلو الغنا لو كان من القلب

مفيناش من الخوف

مفيناش من الكدب

قلبنا .. قلنا .. عمرنا قدنا يحلو الغنا لو كان من القلب

مفيناش من الخوف

مفيناش من الكدب

قلبنا ملهوف

واشتقنا ياحب

مفيناش من الخوف

مفيناش من الكدب

حزننا .. فرحنا .. دمعنا .. فرحنا شئ ما بيدنا وكفاية نحب

مفيناش من الخوف

مفيناش من الكدب

حزننا .. فرحنا .. دمعنا .. فرحنا شئ ما بيدنا وكفاية نحب

مفيناش من الخوف

مفيناش من الكدب

قلبنا ملهوف

واشتقنا ياحب

مفيناش من الخوف

مفيناش من الكدب

من ايه هانخاف قلبنا شفاف حلو الاوصاف قلبنا لو حب

مفيناش من الخوف

مفيناش من الكدب

من ايه هانخاف قلبنا شفاف حلو الاوصاف قلبنا لو حب

مفيناش من الخوف

مفيناش من الكدب

قلبنا ملهوف

واشتقنا ياحب

مفيناش من الخوف

مفيناش من الكدب

نكدب على ايه ونذوق ليه فى كلام معانيه طالعة من القلب

مفيناش من الخوف

مفيناش من الكدب

نكدب على ايه ونذوق ليه فى كلام معانيه طالعة من القلب

مفيناش من الخوف

مفيناش من الكدب

قلبنا ملهوف

واشتقنا ياحب

مفيناش من الخوف

مفيناش من الكدب

نمسك كلنا فى ايدين بعضنا قرب مننا الفرح يارب

مفيناش من الخوف

مفيناش من الكدب

نمسك كلنا فى ايدين بعضنا قرب مننا الفرح يارب

مفيناش من الخوف

مفيناش من الكدب

قلبنا ملهوف

واشتقنا ياحب

مفيناش من الخوف

مفيناش من الكدب

مفيناش من الخوف

مفيناش من الكدب

قلبنا ملهوف

واشتقنا ياحب

مفيناش من الخوف

مفيناش من الكدب

مــفـــيــــناش مــــــــن الكــــــدب


واسف لو كنت طولت عليك
بس اعمل ايه انا بحب الراجل ده جداا

Aladdin tha...

في انتظار بلوج في حب شعبولة!! هههههه

محمد ياسر tha...

شباب روش طحن
الزاهر ( صح كده؟)
سامو (تعليقك جميل جدا)

اشكركم جميعا

علاء الدين
اكيد انت اللى ممكن تعمل المدونة بتاعتك دى

samo tha...

شكراا علاء الدين

اتمنى ان التعليق يكون عجبك

Mirage tha...

مفيش ياجماعة أخبار عن الألبوم ؟؟؟؟؟؟؟؟؟؟؟؟؟؟؟؟

محمد ياسر tha...

الالبوم نازل فى العيد باذن الله

حسن ارابيسك tha...

كل سنة وانت طيب بمناسبة الشهر الكريم
ياترى جبت فانوس رمضان ولا لسة
وحوي ياوحوي ايوحا

عصفور بلا أجنحة tha...

جيت بس اقول كل سنة وانتى طيب

Mohamed tha...

يلا يا شباب, تعالوا اعرفونا و نعرفكم
و أكيد هنعمل حاجة Trateesh Kalam

Samo tha...

انا بحييك على حبك لمنير بجد
منير فعلا رمز من رموز الفن فى مصر
واغانيه ليها معنى مختلف عن اى اغانى تانيه
انا بعشقه جدا
وبحترم اى حد يحب منير

تحياتى ليك
وكل سنه وانت طيب

Anonim tha...

لا حول ولا قوة الا بالله
ما هذا الذي أراه
أتعشقون الغناء وأصحابه
أما تعلموا أن المرء يحشر مع من أحب
أتقوا الله وأفيقوا

اسكندراني اوي tha...

شي رائع بجد
لك الف شكر

ايه مش حتروح الحفله يوم 27 سبتمبر؟؟

أحمد الصـــــباغ tha...

ياللى بدعتوا الفنون
وف ايدكو اسراراها
دنيا الفنون دى خميلة
وانتو ازهارها

مجهود رائع انا من عشاق منير

تحياتى

Hannoda tha...

شكرا بجد على مجهودك .. أنا كنت بدأت أفقد الأمل في الألبوم ده

و سعيده جدا بكلمات أغنية يةنس.. فكرتني بلون منير بتاع زمان اللي داخل وسط قلوب الناس و مشاكلها

واضح انه حايكون ألبوم حلو جدا


تحياتي

السيد شبل tha...

انا مش عارف الشريط ده هيفضل يتأجل لحد امتى

هادى الاقصر tha...

الشريط نزل ع النت كااااااااامل يافلوسك ياياسر
بس الشريط روووعه
بجد منير ده ماافيش وصف غير الكينج