سيبونى اتوة وحدى
عطشان انا عطشان
الدنيا توب قدى
وماطيقش انا الغطيان
مركب تاخدنى لبلاد بعاد
ولقى يصادفنى من غير ميعاد
زمن ياخدنى لمكان
وعطشان انا عطشان
***
تصدفنى كتير وشوش
قلوب زى البيوت
طريق مابعرفوش
يوماتى عليه بفوت
سنة ورا سنة
اضيع هناك هنا
فى رحلتى انا
الدمعة ليها صوت
***
ليلى مالهش عيون
قمرى مالهش لون
دة انا كان لى فى الهوى
مشوار اخضر حنون
اهدى يادمعتى
ارسى ياخطوتى
انسى يادنيتى
كلة علينا يهون
كلمات الشاعر الرائع عبد الرحيم منصور
الحان محمد الشيخ
من البوم برئ
محمد ياسر
PërgjigjuFshijeالله عليك
بجد الله عليك
عارف وانا بسمع الاغنية دى
بحس انى رايح لدنيا تانية
مش دنيا حزينة والله
بس دنيا
بحلم اكون فيها لوحدى
زى ماغنى منير كلمات العبقرى عبد الرحيم منصور
ليلى مالهش عيون
قمرى مالهش لون
عاوز ابقى كدة بالظبط
مش عاوز تبقى الدنيا على مقاسى
ولا عاوز يبقى مشوارى اخضر حنون
عاوزها كدة زى ما هى
انا وحلمى وبس
ولو هاتقولى اية حلمك
هاقولك
برضوا زى ما قال
عبد الرحيم منصور
تصدفنى كتير وشوش
قلوب زى البيوت
هو دة حلمى اللى بحلمة لما اسمع الاغنية دى
اغنية جمعت الملك
مع عبقرى نفوس
زى ما بحب اسمية
عبد الرحيم
بياخدنا فى رحلة مقدسة
للمنظقة المظلمة فى نفوسنا
الله عليها رحلة
الأغنية ده ليها علاقة خاصة جدا معاي
PërgjigjuFshijeبالذات الموسيقى اللي بين الكوبليهات
بتخيل نفسي في عربية ماشية بسرعة بين زحام ناس و اضواء محلات و عربيات تانية
وكل اللي حولي وشوش غريبة معرفهاش
أغنية كنت مدمناها في مصر
لكن من يوم ما سافرت و أنا بهرب من سماعها
كنت تايهة فين عن الأغنية دي
PërgjigjuFshijeالكلمات من أروع ما يكون والألحان جميلة جميلة
أما الصوت فهو اللي وصل لي الإحساس العالي بالكلمات الجميلة بجد ثلاثية رائعة
الأغنية لما سمعتها خدتني وادي تاني خالص غير اللي احنا عايشين فيه
في رحلتي أنا
الدمعة ليها صوت
عمركو شفتو كده
بجد الواحد عطشان .. عطشان اوي
شكراً يا محمد على الأغنية دي بجد هدية حلوة
الكلمات روعة واحساسها عالى وصوت منير فوق الرائع انا بحب البلوج دا بجد عشان بلاقى فيه نفسى جوة كلمات منير
PërgjigjuFshijeفكرة جميلة جدا انشاء مدونة لرمز كبير زى منير اثر وبياثر ولسه حياثر فى اجيال كتير
PërgjigjuFshijeفى ناس كتير دلوقتى من محبى منير الكبار بيحاولوا يقللوا منه ويصورا اللى بيعمله على انه باع مشروعه ولازم احنا نبيعه
لا اكيد العملية مش بتتقاس كده
احنا لازم نبقى وراه دايما نشجعه ونحاول اننا ننورله طريقه
مش كده ولا ايه
والمدونة ديه حاجة من الحاجات ديه
فمنير تاريخ وحيفضل تاريخ حتى لو غنى ريان يافجل وده مش معناه برضه اننا معاه على طول الخط
بالعكس انا من اكتر الناس اللى هاجمت منير بس بدافع حبى ليه مش زهقى منه
مش حطول عليكم بس فيه حاجة اخيرة كنت عايز اكلمك فيها يامحمد ياسر
حاجة جميلة انك تعمل بوست تكتب فيه كلمات الناس نامت لكن لما الموضوع ده يتكرر مع عطشان يبقى احنا مابنقدمش جديد
لازم نحاول نقدم الاغنية من وجهة نظرنا مش مجرد رص كلام ولازم يبقى فى تجدد فى افكار البوستات
عموما ان افى افكار فى دماغى كنت بفكر اعمل ليها مدونة جديدة ولكن بما ان مدونتكم موجودة فاتمنى انى اكون من ضمن فريق العمل فيها لو ماعندكوش مانع
بحب السيما
PërgjigjuFshijeسعيد لتعليقك و انا معاك فى ان معملتش فى المرتين غير كتابة الكلمات بس لانى حسيت فى الاغنيتين دول بالذات ان كلامى هيكون مش قد كلمات الاغنيتين الرائعتين لكن بعد كده لو اتكتب كلام لاغنية هحللها و اتكلم عنها و انا كنت ناوى على كده فعلا غير ان فى حاجات تانية ان شاء الله هنكتب عنها مش بس كلام الاغانى
و ان شاء الله تهامى يدخلك معانا و تنضم بافكارك الجديدة و تضيف لنا
و اشكر جدا مش فاهم حاجة و هنودة و شمس و بيبووو
شكرا ياياسر على تقبلك الكلام بصدر رحب , وبالنسبة لاشتراكى معاكم فياريت يكون بسرعة يامعلم عشان الالبوم نازل وعايزين نسخن الناس
PërgjigjuFshijeاكتب ايميلك بس يا بحب السيما و ان شاء الله تبقى معانا
PërgjigjuFshijeده اميلى اللى انا بتعامل بيه
PërgjigjuFshijenewbohra@hotmail.com
وده اميلى اللى انا مسجل بيه فى البلوجر
boosh_vip@yahoo.com
شوف بقى انت انهى واحد يلزمك
وشكرا على سرعة الاستجابة
احلي اغنيه طبعا
PërgjigjuFshijeتحياتي
كلمات رائعة
PërgjigjuFshijehttp://el-condor.piczo.com
طيب لو طلبت اللينك بتاعها عشان انزلها او تبعتوهالي يبقي طلبي تقيل؟؟؟
PërgjigjuFshijeاصلي كنت بدور عليها و لقيت البلوج بتاعكو
الله عليكم... منير ده ملك الاغنية العربية
PërgjigjuFshije